Take It Down.
Atisaqarani internetikkut takuneqarsinnaaneq ersinarsinnaavoq,
peersinnissaannulli periarfissaqarputit.
Internetimi atisaqarani, atisaqarpiarani imaluunniit kinguaassiuutinut tunngasut assit videollu, 18-it inorlugit ukioqarluni assilineqarsimasut piiarnissaannut uani ikiorneqarsinnaavutit.
Aallartigit
Take It Down qanoq isumaqarpa?
Take It Down aqqutigalugu internetimi atisaqarnak, atisaqarpiarnak imaluunniit kinguaassiuutinut tunngasut assitit videotillu, 18-it inorlugit ukioqarlutit assilineqarsimasut peersinnissaannut imaluunniit ingerlateqqinneqannginnissaannut ikiorneqarsinnaavutit. Sullissineq atorniarukku kinaassutsit isertuussinnaavat aammalu assinik videonilluunniit nassiussisariaqanngilatit. Take It Downip nittartakkat tamanut ammasut imaluunniit paasiuminaallisarneqarsimanngitsut peqataanissamullu isumaqatigiissuteqarsimasut suleqatigissavai.
Taamatut pisoqarnera ersinarsinnaavoq, kikkulli tamarmik nalaassinnaavaat. Siullertut iliuuseqarputit, iliuuseqaqqinnissannilu ikiorusuppatsigit. Take It Down tassaavoq National Center for Missing & Exploited Childrenimi sullissivik.
Take It Down kikkunnut tunngatinneqarpa?
Take It Down inunnut atisaqaratik, atisaqarpiaratik imaluunniit kinguaassiuutinut tunngasunik, 18-it inorlugit ukioqarlutik assilineqarsimasunik, internetikkut ingerlaartinneqarsimasunik imaluunniit ingerlaartinneqarsinnaasunik assilinnut videolinnulluunniit sullissiviuvoq. Assersuutigalugu immaqa arlannnut assimik nassiussisimaguit, taassumalu assit ingerlateqqinnissaannut siorasaarpatit. Naak nalugaluarlugu assit ingerlateqqinneqarsimanersoq, kisiannili internetimi sumiiffigisinnaasaanit peerneqarnissaanut ikiorneqarnissamik pisariaqartitsiguit, ugguuna ikiorneqarsinnaavutit.
18-leereerlutit asseqaruit kinguaassiuutinut tunngasumik, ugguuna ikiorneqarsinnaavutit: stopncii.org.
Take It Down qanoq suliaqartarpa?
18-liineqanngitsut atisaqaratik, atisaqarpiaratik imaluunniit kinguaassiuutinut tunngasut assii videoilu, Take It Downip ilisarnaasertarpai taaneqartartumik hash value. Nittartakkat hash value atorlugit assit imaluunniit videot taakku nittartakkaminni nassaarisinnaavaat peersinnaallugillu. Assi videoluunniit atortorissaarummiit nassiunnagu imaluunniit arlaannulluunniit takutinnagu taamaaliortoqarsinnaavoq. Hash value kisiat NCMEC-imut tunniunneqassaaq.
Imatut pisoqassaaq:
Assi imaluunniit video kinguaassiuutinut tunngasoq atortorissaarummiit hashilertinniakkat toqqaruk ”Aallartigit”-ilu toorlugu.
Take It Down assinut videonulluunniit ataasiakkaanut ”hash”-imik, tassa digitalimi ilisarnaammik pilersitsissaaq, taannalu atorlugu assip videolluunniit kopiivinik eqqortunik nassaarsinnaassalluni.
Assi videoluunniit atortorussaarutinniiginnassaaq oploaderneqassananilu. Hashi allattorsimaffimmut isumannaatsumut NCMEC-imit ingerlanneqartumut ilanngunneqassaaq, taannalu nittartakkanut peqataasunut taamaallaat ingerlateqqinneqassaaq. Peqataasut taakku allattorsimaffik atorlugu nittartakkaminni appiminnilu tamanut ammasuni imaluunniit paasiuminaallisarneqarsimanngitsuni imarisat kinguaassiuutinut tunngasut hashiinik skannerinissaminnut isumaqatigiissuteqarsimapput
Nittartakkaminni tamanut ammasumi imaluunniit paasiuminaallisarneqarsimanngitsumi hash valuemik nassaarunik, taava imarisaanik kinguaassiuutinut tunngasunik siammarterineq killilersorniarlugu iliuuseqarsinnaapput!
Assit/videot uani sullississutigineqartut inuit attaveqatigiiffiini suniluunniit ingerlateqqissanngilatit. Assimi imaluunniit videomi hash value allattorsimaffimmut ilanngunneqareerpat, nittartakkat taakku nittartakkaminni tamanut ammasuni imaluunniit paasiuminaallisarneqanngitsuni skannerinermut hash value atorsinnaavaat. Siunissami imarisat taakku ingerlateqqikkukkit nalunaarutigineqarsinnaapput, illillu inunnut attaveqaatinni kontot matutinneqarsinnaassalluni.
Nittartakkat imarisanik siornatigut ikkunneqarsimasunik piiaanissamut pisinnaasaat killeqarsinnaavoq. Ikiorneqarnissamut imaluunniit nittartakkami aalajangersimasumi assip videolluunniit ikkunneqarsimanera ilisimagukku, NCMEC’s CyberTiplineanut nalunaaruteqarsinnaavutit, tassani allatut sullissinnaavatsigit ikiorserlutillu.
Pingaarnepaavoq ilisimassagakku kisimiinnginnavit! Sullissineq taanna atortussallu allat pillugit paasisaqarnerorusukkuit qupperneq Atortussat Ikiorsiivillu alakkarsinnaavat.
Atortussat takukkit
Atortussat Ikiorsiivillu
Nittartakkakkut imarisanik piiaanissamut allatut ikiorneqarusukkuit, ilaatigut nittartakkanut assigiinngitsunut toqqaannartumik nalunaaruteqarniaruit.
Assit taakku pillugit imaluunniit internetikkut allatut atornerlunneqarnissamut siorasaarneqaruit nalunaarutigerusullugulu.
USA-miikkuit misigissutsitigullu tapersersorneqarnissaq pillugu paasissutissanik annertunerusunik pissarsiumaguit, NCMEC’ip isumaginninnermut sullissivia ataani paasisaqarfiginerusinnaavat.