Ikiorneqarneq tamanut assigiinneq ajorpoq. National Center for Missing & Exploited Childrenimit assigiinngitsutigut ikiorneqarnissaq periarfissaavoq.
Atortussat Ikiorsiivillu
Nittartakkami aalajangersimasumi imarisanik piiaanermut ikiorneqarnissamik pisariaqartitsiguit, ilaatigut nittartakkanut assigiinngitsunut toqqaannartumik nalunaaruteqarneq pillugu aajuku paasissutissat:
MissingKids.org/IsYourExplicitContentOutThere-mi NCMEC-ip ikiuinissamut neqeroorutigisinnaasaanut paasissutissat, aammalu nittartakkanut toqqaannartumik attaveqarnissamut ilitsersuutit pissarsiarisinnaavatit, ilaatigut qanoq assinik videonilluunniit atisaqanngitsunut, atisaqarpianngitsunut imaluunniit kinguaassiuutinut tunngasunut nalunaarutiginnissinnaanermut paasissutissat. Ilaatigut tamanna assimik videomilluunniit peersitsinissamut sukkanerusumik aqqutissiuussisinnaavoq aammalu nittartakkap NCMEC-imut paasissutissanik pingaarutilinnik allanik nalunaaruteqarnissaanut kalerrisaaraluni.
Assitit Videotilluunniit Kinguaassiuutinut Tunngasut Internetimiippat?
Assit taakku pillugit imaluunniit internetikkut atornerluinissamut siorasaarisoqarnera nalunaarutigerusukkukku:
NCMEC CyberTiplinemik aqutsisuuvoq – meeqqanik kinguaassiuutitigut atornerluinernut tamanut nittartakkakkut nalunaaruteqartarfik. CyberTipline atorlugu nalunaaruteqarsinnaavutit, aamma assimik videomilluunniit Take It Downimut hashiliortitsereeraluaruilluunniit. CyberTipline atorlugu nalunaarutit politiinut saqqummiunneqartarput misissuiffigineqarsinnaalersillugit.
NCMEC-ip CyberTiplinea takuuk
USA-miikkuit misigissutsitigullu tapersersorneqarnissaq pillugu paasissutissanik amerlanerusunik pissa
NCMEC-ip isumaginninnermut sullissinera pillugu paasisaqarnerorusukkuit ataaniittoq toorlugu ikiorneqarnissamik qinnuteqarsinnaavutit: sianersinnaavutit imaluunniit sms-erlutit 1-800-THE-LOST (1-800-843-5678) imaluunniit mailersinnaavutit TakeItDown@ncmec.org-imut, taava ilinnut saaffiginnittoqassaaq.
Misigissutsikkut Tapersersorneqarnissamut Paasissutissat