The National Center for Missing & Exploited Childrenimut paasissutissat isumannaatsuunissaat pingaaruteqarpoq (oqaatigineqartarluni ”NCMEC” imalt. ”uagut”). Paasissutissat illersugaanerannut politikki una (”Paasissutissat illersugaanerannut politikki”) Take It Downip nittartagaani (“Nittartagaq”) NCMEC-p pulaartut atuisullu pillugit paasissutissanik qanoq katersuisarneranik, atuisarneranik, nutarterisarneranik, saqqummiussisarneranik aamma illersuisarneranik paasissutissiissutitut ilusilersugaavoq. NCMEC-p paasissutissanik illersuisarneranut periusia pillugu imaluunniit NCMEC pillugu paasisaqarnerorusukkuit nittartakkatsinnut pingaarnermut alakkaasinnaavutit.
Paasissutissat illersugaanerannut politikkip matuma iluani sammisat aalajangersimasut takusinnaavatit, ataani linkit attuumassusillit toorlugit:
Paasissutissat NCMEC-mit katersorneqartartut
NCMEC paasissutissanik qanoq katersisarnersoq
NCMEC paasissutissanik qanoq atuisarnersoq
NCMEC paasissutissanik pingajuusunut qanoq saqqummiussisarnersoq
Cookies allallu malinnaaviginninnermut teknologiit
Meeqqat iinaassusiannik illersuineq
Pingajuusut aamma nittartakkanut allanut linkit
Paasissutissat illersugaanerannut politikkimi allannguutit
PAASISSUTISSAT NCMEC-MIT KATERSORNEQARTARTUT
Nittartakkami matumani paasissutissat ilisimasatsinnik ilinnut kinaassusersiisinnaasut katersorneq ajorpagut.
NCMEC PAASISSUTISSANIK QANOQ KATERSISARNERSOQ
Assi ‘paasinarsagaanngitsoq’ uagutsinnut nassiukkukku ‘paasinarsagaanngitsoq’ taanna digitalikkut ilisarnaataasarpoq assigineqanngitsoq, kinaassutsit pillugu paasissutissanik imaqanngitsoq. Assip hashia nassiussat tunngavigalugu assi takusinnaanngilarput takusinnaalernaviarnagulu. Tamatuma saniatigut assip hashia uagutsinnut nassiussagukku, assip filiata aqqa takusinnaassavarput. Tamanna pissutigalugu innersuussutigaarput paasissutissat ilinnut kinaassusiissinnaasut, soorlu atit imaluunniit ulloq inunngorfiit, filip aqqanut ilanngutissanngikkitit. Aammattaaq cookies atorlugit nittartakkamut attaveqarnerit pillugu paasissutissanik aalajangersimasunik katersisinnaavugut. Cookiesinik atuinerput pillugu paasisaqarnerorusukkuit immikkoortoq ataaniittoq qulequtartalik ”Cookies allallu malinnaaviginninnermut teknologiit” takusinnaavat.
NCMEC PAASISSUTISSANIK QANOQ ATUISARNERSOQ
NCMEC-p paasissutissaatitit sulianut nittartakkami matumani allaaserineqarsimasunut kisimik atortussaavai, tassaasut assinik kinguaassiiuutinut tunngasunik internetimit piiaanissamut ikiuinermut. Paasissutissat ilinnut kinaassusersiisinnaasut ilisimasatsinnik katersorneq ajorpagut; paasissutissaatitit ilinnut kinaassusersiisinnaasut filip aqqa aqqutigalugu NCMEC-mut nassiunneqarsimappata, paasissutissat kinaassusersiisinnaasut taakku politikkimi matumani allaaserineqartutut aalajangersimasumik anguniagassanut tunngatillugu suliarineqassapput.
NCMEC PAASISSUTISSANIK PINGAJUUSUNUT QANOQ SAQQUMMIUSSISARNERSOQ
NCMEC paasissutissanik pingajuusunut ataani allassimasunut tunniussisinnaavoq:
- Pingajuusut nittartagaat. Assip hashilerneqarsimasup internetimiit peerneqarnissaanut atatillugu, assi hashilerneqarsimasoq pingajuusunut ingerlateqqinneqartarpoq, taakku hashilerneqarsimasut atorlugit nittartakkaminni tamanut ammasuni imaluunniit paasiuminaallisarneqarsimanngitsuni appiminnilu assinik hashilerneqarsimasunik skannerisarput, pingajuusut nittartagaannit piiaanissaq siunertaralugu. Peqataasut pillugit paasissutissat annertunerusut una toorlugu nassaarisinnaavatit.
- Sullissisut. Assi hashilerneqarsimasoq sullissivinnut saqqummiussinnaavarput. Ilaatigut sullissisut nittartakkatsinnik aqutsinermut, misissuinernut, teknikkikkut ikiorsiinermut, akiliinermik suliaqarnermut aammalu inniminniinernik naammassinninnermut ikiuussinnaapput.
- Inatsisinik atuutsitsisartut. Eqqartuussivimmi sassaqqusissutinut, parnaarusseqqussutinut imaluunniit eqqartuussisup aalajangiineranut atatillugu imaluunniit inatsisit attuumassuteqartut malinniarlugit assi hashiligaq saqqummiussinnaavarput. Aammattaaq assi hashilerneqarsimasoq saqqummiussinnaavarput, pisinnaatitaaffivut pilersinniarlugit imaluunniit atorniarlugit, inatsisitigut piumasaqaateqarnermut illersuiniarluta, misissueqqissaarniarluta, pinaveersaartitsiniarluta imaluunniit inatsisitigut unioqqutitsisoqarsinnaaneranut, peqquserlunniarnermik pasinninnermut, inummut pigisanulluunniit isumannaallisaanermut imaluunniit politikkitsinnik unioqqutitsinermut tunngatillugu iliuuseqarniarluta.
COOKIES ALLALLU MALINNAAVIGINNINNERMUT TEKNOLOGIIT
Cookies tassaapput filit mikisut, nittartakkamut isernermi qarasaasiamut imaluunniit mobilimut inissinneqartartut. Cookies pingaaruteqartut atorneqanngippata nittartagaq piumasavut malillugit sukkasuumik ingerlasinnaanngilaq, sullissinerillu piumasaqaatigisatit neqeroorutigisinnaassanngilagut. Cookies pingaaruteqartut atortarpagut, taakku ilaatigut cookiesinik pingaaruteqarluinnartunik taaneqartarput, nittartakkap matuma ingerlanneqarneranut pisariaqartinneqartut. Cookies pingaaruteqarluinnartut nittartakkami matumani atorneqartut ima aaqqissuunneqarput, illit pillutit paasissutissat kinaassusersiisinnaasut katersorneqarsinnaanatik.
Paasissutissanik kinaassusersiisinnaasunik katersuiniarluta nittartakkatsinni nittarsaassinerit atorneq ajorpagut cookiesinilluunniit allanik atuissanata. Tamanna pissutigalugu ”Do Not Track”-imik inissiissutit imaluunniit allat tassunga attuumassuteqartut, soorlu opt-out-imik atorumanerusat massakkut akissuteqarfigineq ajorpagut.
ISUMANNAALLISAANEQ
Paasissutissat annaaneqarnissaat, atornerlunneqarnissaat aamma akuerisaanngitsumik pissarsiarineqarnissaat, saqqummiunneqarnissaat, allanngortinneqarnissaat imaluunniit aserorterneqarnissaat illersorniarlugit aningaasarsiornikkut isumannaatsumik iliuuseqartarpugut. Kisianni paasiuk isumannaallisaanermut systemi suulluunniit iserfigineqannginnissaat qulakkiivinneqarsinnaanngimmat. Databasetta isumannaatsuunera qulakkiivissinnaanngilarput, aammalu paasissutissat illit tunniussavit internetikkut uagutsinnut uagutsinniillu nassiunneqarnerini tiguneqarsinnaannginnissaat qulakkiivissinnaanngilarput.
UNINNGATITSINEQ
Illit pillutit paasissutissat nittartakkatsinnillu atuininnut paasissutissat, paasissutissat illersugaanerannut politikkitsinni allassimasutut inatsisitigut akuerisaasumik niuernitsinni anguniakkanut pisariaqartitsineq naapertorlugu pigisarpagut. Paasissutissanik toqqorsisarnitsinni piffissat, paasissutissat qanoq ittuunerat aamma sooq pisariaqartitsinerput apeqqutaatillugit assigiinngisitaartarput. Aammattaaq paasissutissanik toqqortaateqarnermut piffissarititaasoq inatsisini atuuttuni aalajangersarneqarsimasoq, suliffeqarfinni malittarisassanit innersuunneqartoq, aammalu isumaqatigiissutini inatsisitigullu pisussaaffinni allani allassimasoq minnerpaamik pisariaqartinneqartoq malittarparput.
MEEQQAT KINAASSUSIANNIK ILLERSUINEQ
Nittartagaq una kinaluunniit pillugu paasissutissanik kinaassusersiisinnaasunik katersuinngilaq, aamma meeqqanit 13-it inorlugit ukiulinnit. Isumaqaruit paasissutissaatitit imaluunniit 18-it inorlugit ukiullip allap paasissutissaatai kinaassusersiisinnaasut ilisimanngisatsinnik katersorsimagivut, uunga attaveqarsinnaavutit 1-800-843-5678.
PINGAJUUSUT AAMMA NITTARTAKKANUT ALLANUT LINKIT
Nittartakkatsinni nittartakkanut, imarisaannut imaluunniit sullissinernut allanit pigineqartunut imaluunniit ingerlanneqartunut innersuussaqarsinnaavoq. Eqqaamajuk nittartakkani imaluunniit sullissinerni piginngisatsinni paasissutissanik illersuinermut tunngasut aqunnginnatsigit. Paasissutissat sorliit katersorneqartarnersut aamma qanoq atorneqartarnersut aamma/imaluunniit saqqummiunneqartarnersut pillugit paasissutissanik paasisaqarnerorusukkuitnittartakkani imaluunniit appini allani paasissutissat illersugaanerat pillugit politikkit misissoqqissaarnissaat kaammattuutigissavarput.
PAASISSUTISSAT ILLERSUGAANERANNUT POLITIKKIMI ALLANNGUUTIT
Suleriusigut, teknologiit, inatsisitigut piumasaqaatit allallu allanngorsinnaanerat tunngavigalugit paasissutissat illersugaanerannut politikki una nutartersinnaavarput. Paasissutissat illersugaanerannut politikkimut matumunnga allanngortitsisoqarpat, saqqummiinerup kingorna atuutilersinneqassapput. Kaammattuutigissavarput paasissutissanik suliarinnittarnerput pillugu paasissutissat kingulliit perusukkukkit, paasissutissat illersugaanerannut politikki akuttunngitsumik misissortaqqullugu. Paasissutissat illersugaanerannut politikki annertuumik allanngortinneqassappat, piffissami paasissutissanik uagutsinnut nassiussininni paasissutissat illersugaanerannut politikkimi atuuttoq, paasissutissanut taakkununnga atorneqassaaq. Tamanna atuutissaaq inatsisit atuuttut naapertorlugit paasissutissat illersugaanerannut politikkimut nutaamut akuersissummik (ersarissumik ersarinngikkaluamilluunniit) pissarsisimanngikkutta.
ATTAVEQARFISSAT
Paasissutissat illersugaanerannut politikkimut tunngatillugu apeqqutissaqaruit, The National Center for Missing & Exploited Childrenimi NCMEC-ip Inatsisitigut Siunnersorteqarfianut saaffiginnissinnaavutit, 333 John Carlyle St, Suite 125, Alexandria, Virginia 22314; oqarasuaatip normua 800-843-5678; inatsisitigut@ncmec.org.
Paasissutissat illersugaanerannut politikkimi uani ulloq ”atuutilerfik” aamma ”kingullermik nutarterneqarfia” takuneqarsinnaapput. Ulloq atuutilerfik tassaavoq massakkut atuuttup atuutilerfia. Ulloq kingullermik nutarterneqarfia tassaavoq massakkut atuuttup kingullermik tunngaviusumik allangortinneqarfia.
Ulloq atuutilerfik. Decembarip 30-at 2022
Kingullermik nutarterneqarfia. Decembarip 30-at 2022